05.04.2006 Tariffkrava overlevert

Krava ved tariffoppgjeret er overlevert. EL&IT-forbundet har også motteke krav ved tariffoppgjeret frå motparten TELFO. Det er rikeleg med konfliktstoff både i det som er overlevert og det som er motteke. Tariffavtalen har utløp 30.april. Det vert forhandlingar i veke17 frå 24-28.april.

28.11.2005  Tariffoppgjeret  2006

Tariffarbeidet fram mot oppgjeret er i full gang. Landstariffkonferansen i Ålesund 24-27 oktober vedtok krav og prioriteringar for tariffoppgjeret 2006. Prioriterte krav vert auka kjøpekraft, styrking av produktivitetsavtalane, arbeidstidsordningr og meir etterutdanning.

14.06.2004 Varsla plassfratredelse for 69 bedrifter

Det er no varsla plassfratredelse for 2002 medlemmar i 69 bedriftar. Det er bedriftar frå Oslo, Trondheim og Stavanger som vert tekne ut i konflikt først. Det vil sei at det klubben vår ikkje vert råka av konflikten i første omgang. AKEL i Stavanger vert teken ut i konflikt frå første dag dersom ikkje meklinga fører fram.

04.06.2004 Overhengande fare for konflikt

Det er overhengande fare for at det i år vert konflikt i tariffoppgjeret. Dette med bakgrunn i det me oppfattar som liten vilje til reelle forhandlingar, som førde til at oppgjeret gjekk til mekling. Meklingsdatoar er 14. og 15. juni, og ein eventuell konflikt vert frå 16.juni. Dersom det vert konflikt skal alle som jobbar i prosjekt på Stord møta opp for å få informasjon. Det vil verta sett opp streikevaktlister i forkant, og dei som vert sett opp dei første dagane vil få melding om dette. Det er også viktig at alle fyller ut skjema i forhold til personlege opplysningar for å få utbetalt streike støtte. Denne er i år sett til kroner 1800,- pr veke, samt kroner 200,- pr veke pr barn under 18 år.(full streik) Ved punktstreik vert det utbetalt kroner 600,- pr dag. I tillegg til denne støtta sentralt, vil det også vera ei utbetaling lokalt frå Fagforeninga. Storleiken på denne er førebels ikkje sett.

04.06.2004 Hovudkrav tariffoppgjeret 2004

Dette er hovudkrava våre i oppgjeret:
Auka kjøpekraft, §9 og offshore, Etter og VidareUtdanning, samt pensjon.

Det vart før bruddet i forhandlingane ikkje gjeve noko når det gjeld §9 og offshore. På §9 er det jo som kjent redusert arbeidstid for personell utan nattkvarter i eigen heim samt auking av utanbystillegget som er viktig for oss. Men det var ingen forståelse for dette. Det vart heller ikkje oppnådd  resultat i forhold til offshore avtalen og på pensjonskravet.

Det vart imidlertid oppnådd enighet om ELBUS, midlar til etter- og vidareutdanning. Dette var sjølvsagt positivt, men denne enigheten gjekk motparten vekk frå i etterkant, noko som var det utløysande for bruddet i forhandlingane.